HUWAG MO SANANG ISIPIN
- Francis Ryan Coronel -
HUWAG MO SANANG ISIPIN
By: Francis Ryan Coronel
Huwag mo sanang isipin
Hindi kita natatanaw
Huwag mo sanang isipin
Iniwanan na kita
Lagi kang nakikita
Sa paglipas ng araw
At aking nalalaman
Ang iyong pagdurusa
Huwag mo sanang isipin
Hindi kita naririnig
Ang iyong dalamhati
Ang iyong mga daing
Di mo ba nalalaman
Na kita'y iniibig
Bawat patak ng iyong luha
Ay aking nababatid
Huwag mo sanang isipin
Nalimutan na kita
Dahil ang iyong pangalan
Sa palad Ko'y sinulat na
At kung Ako'y kailangan
Kung Ako'y hinahanap
Tumawag ka't manalangin
At ako'y mangungusap
Huwag sanang isipin
Hindi kita pinapansin
Huwag mong kalilimutan
Ang inalay Ko sa'yo
Kahit ang Aking buhay
Ay Aking inihain
Tulad ng ginawa Ko
Sa krus para sa'yo
At kung Ako'y kailangan
Kung Ako'y hinahanap
Tumawag ka't manalangin
At ako'y mangungusap
Huwag sanang isipin
Hindi kita pinapansin
Huwag mong kalilimutan
Ang inalay Ko sa'yo
Kahit ang Aking buhay
Ay Aking inihain
Katulad ng ginawa Ko
Sa krus para sa'yo
Huwag mo sanang isipin
Hindi kita minamahal
Ang katotohanan
Kita'y minamahal